Abendutik otsailera artean langabezia jaitsi egin zen Erresuma Batuan, eta otsailaren bukaeran %8,3koa zen, hango Estatistika Bulegoak gaur esan duenez. Hain zuzen, 35.000 lagun gutxiago zeuden langabezian otsailaren amaieran. 2,6 milioi pertsona daude lanik gabe.
2011ko maiatzetik langabezia ez zen jaitsi Erresuma Batuan.
Dena dela, Estatistika Bulegoak jakinarazi du urtebete baino gehiago beharrik barik dauden lagunen kopurua igo egin zela (+26.000), eta orain 883.000 direla egoera horretan daudenak. 1996tik izandako daturik txarrena da.
Chris Grayling Lan ministroak uste du gobernua "norabide onean" doala, baina aitortu du oraindik "bide luzea" dutela egiteko. Arlo pribatuan enplegua sortzeko sustapen lanak egiten jarraituko dutela esan du.
