Casiano Castro Varelak 67 urte zituen, eta pleura minbiziak jota hil da, Asviamie elkarteak jakinarazi duenez: "Casiano 14 urte zituela hasi zen lanean Usurbigo Victorio Luzuriaga galdategi osasungaitzean, minbizia eragiten duten substantziak arnasteko arriskuarekin. Erretiroa hartu arte jardun zuen bertan".
Erretiratu eta hilabete batzuetara, iazko udan diagnostikatu zioten mesotelioma epiteloidea, eta Gizarte Segurantzak lan gaixotasun gisa aitortu zuen. Asviamieren arabera, enpresak, dozenaka urtetan, ez zuen bete segurtasun alorreko araudia.
Enpresei kontrol handiagoa egiteko eskatu dio elkarteak Jaurlaritzari.
