Espainiako Gobernuak igaro den astean iragarri zuen helegitea aurkeztuko zuela tax lease sistemaren inguruan Europako Batzordeak hartutako erabakiaren aurka, eta Jose Manuel Soria Industria ministroak adierazi zuen aurrerago erabakiko zutela kautelazko neurriak eskatu edo ez. Bada, gaur goizean Efe berri agentziari egindako adierazpenetan jakinarazi du behin-behineko neurririk ez eskatzea adostu duela sindikatuekin, ontziolekin eta erkidegoekin.
Soriak gaur arratsaldean agerraldi bat egingo du Espainiako Diputatuen Kongresuan, ontziolen auzian emango dituzten hurrengo pausoak azaltzeko.
