Espainiako Alfonso Gallardo altzairu taldeak Arcelorrek Azpeitian dituen bi enpresa erosi ditu

Extremadurako (Espainia) Alfonso Gallardo altzairu taldeak Arcelor enpresak Euskal Herrian dituen bi enpresa erosi ditu. Bi enpresak Azpeitian (Gipuzkoa) daude: Corrugados Azpeitia eta Corrugados Lasao. Eraikuntzarako erabiltzen diren altzairu piezak egiten dituzte batez ere Corrugados Azpeitia eta Corrugados Lasaon. Alfonso Gallardo taldeak ez du azaldu zenbat ordaindu duen Arcelorrek Euskal Herrian dituen bi enpresen truke.