Nafarroako esportazioetan eragin zuzena izan zuten urtarrilean Europako Batasunerako salmenten jaitsierak eta garraiorako materialekin lotutako gaien salmenta txikiagoak. Aurreko urteko hilabete berdinarekin alderatuta, %14,2 txikiagoak izan ziren herrialdearen esportazioak.
Frantzia da Nafarroako esportazioen hartzaile handiena, Alemania, Erresuma Batua, Italia eta Portugalen aurretik. Gehien esportatutako gaiak «autoak eta beste ibilgailuak» izan ziren, baina %28,8 gutxiago, iazko datuarekin alderatuta.Inportazioak ere jaitsi ziren urtarrilean Nafarroan, %11,7. Alemania da Nafarroara gehien esportatzen duen herrialdea, Frantzia dator ondoren, eta Italia hirugarren. Autoak eta autoetarako osagaiak dira inportazioen kopuruan nagusiak.
Esportazioak %14,2 murriztu dira urtarrilean Nafarroan
Iruzkinak
Ez dago iruzkinik
Ordenatu
