Esportazioek berriro gora egin dute Gipuzkoan

DONOSTIA. Gipuzkoako enpresen esportazioek %5,7 egin dute gora maiatzean, apiril kaskar baten ondoren (-%0,3). Adegik agiri baten bidez nabarmendu duenez, igoera horretan zeresan handia izan dute makinen salmentek, %21,8 egin baitute gora. Eurogunea atzeraldian egonda, EBtik kanpoko salmentek izan dute emendatze handiena, %21ekoa, hain zuzen ere. Urtarriletik maiatzera %10,2 hazi dira esportazioak, iazko epe horretan baino gutxiago (+%17,7).