2015eko bigarren hiruhilekoan, gora egin du etxebizitzaren prezioak Araban, Bizkaian, Gipuzkoan eta Nafarroan, iazko epe horrekin alderatuta. Espainiako Estatistika Institutuak zabaldutako datuen arabera, %1,9 hazi dira prezioak Euskal Autonomia Erkidegoan apiriletik ekainera bitartean, eta %0,2 epe berean Nafarroan.
Aurtengo lehen hiruhilekoarekiko, %1,7 egin du gora etxebizitzaren prezioak Araba, Bizkai eta Gipuzkoan, eta %2,7 Nafarroan.
Batez ere, etxebizitza berria garestitu da. Araban, Bizkaian eta Gipuzkoan, %1,9 igo da etxe berrien prezioa bigarren hiruhilekoan iazko epe horrekin alderatuta, eta %1,1 Nafarroan. Bigarren eskuko etxebizitzan, berriz, %1,7 garestitu da prezioa EAEn, baina %0,8 merkatu Nafarroan.
