Beste egun batez inoizko mailarik baxuenera jaitsi da euriborra gaur, eta datu horrekin urteko bataz bestekoa %0,528ra jaitsi da. Euriborra sortu zenetik, orain hamalau urte, inoizko bataz besteko txikiena da. Gehienez %5,393ra iritsi da, 2008ko uztailean.
Euriborraren jaitsiera horrekin, maiatzean hipotekaren interesa ezarri behar dutenek merkatu egiten zaiela ikusiko dute. 25 urtetan ordaindu beharreko 150.000 euroko hipoteka batean, ordaindu beharrekoa 591 eurotik 534 eurora jaitsiko da, hilean 57 euro aurreztuz.
Jaitsiera horretatik kanpo geratuko dira, baina, oraintzeko gutxieneko maila bat duten hipotekak, Espainiako Epaitegi Gorenak martxoaren 20ean klausula hori bertan behera soilik "gardentasuna izan ez den kasuetan" utzi zuelako, beste kasuetan mantenduz.
