Euriborrak abuztuko mailan amaitu du iraila

DONOSTIA. Hilabetean milaren bat bakarrik aldatu da hipoteka gehienak kalkulatzeko erreferentziatzat erabiltzen den Euribor indizea. %1,421ean amaitu zuen abuztua, eta %1,420an iraila. Hala ere, maileguak berritzeko aurreko urteko erreferentzia erabiltzen da. Kontuan hartuta iazko irailean %1,261ean zegoela, garestitu egingo dira hileroko kuotak. 30 urtean ordaintzeko 120.000 euroko hipoteka dutenek 15,90 euro gehiago ordaindu beharko dituzte aurrerantzean.