Euriborrak gora egin du urrian

Hileko datuak hartuta, Euriborra %1,495an geratu da urrian. Hala, beraz, hirugarren hilabetez jarraian hipoteken kuotek gora egingo dute. Euriborraren tasa handiena da 2009ko uztailetik (%1,610), eta iazko urriarekin alderatuz (%1,243) bi hamarren igo da.

Horren arabera, 25 urterako 150.000 euroko mailegua duenak orain urtean 216 euro gehiago ordaindu beharko ditu. Espainiako Estatistika Erakundeak dioenez, Hego Euskal Herriko biztanleek, batez beste, 160.000 euroko hipotekak dituzte, eta mailegua urtean behin berritzea izaten da ohikoena.

Hipoteka gehienak kalkulatzeko erreferentziatzat erabiltzen da Euribor indizea, eta 1999an jarri zuten martxan. Bankuek elkarri dirua uzteko erabiltzen duten interesa islatzen du.