Euroguneko BPG barne produktu gordinak 2011ko azken hiruhilekoan aurrekotik hiru hamarreko egin zuen atzera. Urte arteko datuetan, BPGak %1,4ko hazkundea eduki zuen, 2010ean baino puntu erdia gutxiago. Ondorioz, Europak bertako ekonomia atzeraldian sartzeko arriskua ikusten du.
Europako Batasunean, antzeko datuak: barne produktu gordina joan den urtean %1,5 hazi zen, 2010ean %2. Iazko azken hiruhilekoan ere behera egin zuen aurrekotik: hiru hamarreko.
Italia, Herbehereak eta Belgika atzeraldian sartu zuen 2011ko azken zatian, bi hiruhilekotan segidan barne produktu gordinak ez zuelako hazkunderik eduki. Italian eta Herbehereetan azkenekoan BPGak %0,7 egin zuen behera aurreko datutik, Belgikan %0,2. Eslovenia, Portugal eta Grezia ordurako atzeraldian ziren.
