Europako Banku Zentralak gobernu kontseiluak euroaren gunean %4an mantendu ditu interes tipoak. Finantza merkatuen krisia dela-eta, igoerarik ez egitea erabaki du gaurko bileran. Egoera "modu estuan zaintzen" ari dela esan dute arduradunek.
Interes tipoa puntu laurdena igotzea aurreikusia zuen duela aste batzuk. Azkeneko aldiz ekainean igo zuten diruaren prezioa, eta 2001eko abuztutik orduan jo zuen goia.
Bankuek epe motzean euren artean dirua prestatzeko arazoekin segitzen badute, euroa duten herrialdeetan hazkunde ekonomikorik ez izateko arriskua ikusten duela dio Europako Banku Zentralak. Horrek epe luzera finantzaketan arazoak sortuko lituzke, haren arabera.
Ekonomia
Europako Banku Zentralak euroaren gunean %4an mantendu ditu interes tipoak
Finantza merkatuen krisiak eragina izan du igoerarik ez egiteko.
Iruzkinak
Ez dago iruzkinik
Ordenatu
