Ostiralerako deitu zuen ezohiko bilera Europako Batasunak, Greziaren bigarren erreskatea desblokeatzeko eta krisia herrialdeen artean ez kutsatzeko neurriak hartzeko.
Atzeratu egin da, eta egiteko asmoarekin jarraitzen duten arren, ez dakite noiz izango den. Alemaniako agintariek presarik ez dagoela esaten jarraitzen dute, "Greziak irailera arte irauteko adina finantziazio du". Gainera, Alemaniako bozeramaileak bilera horretarako "plan zehatzik" ez dagoela salatu du, eta atzeratzeko eskatu.
Bilera laster egingo dela jakinarazi dute, baina data jartzeko dago oraindik.
