Europako Sindikatuen Konfederazioak deituta, gaur mobilizazio eguna da Europa osoan, politika "atzerakoiak" salatzeko, EBren murrizketen aurka eta enpleguaren eta justizia sozialaren alde.
ELAko ordezkariek, adibidez, Bilbon eta Iruñean elkarretaratzea egin dute. "Europa mailako mobilizazioak beharrezkoa dira, baina ez norberak bere esparruan egin behar duena saihesteko edo ordezkatzeko. Enpresa mailan, herri mailan edo nazio mailan norberak egiten duenaren osagarri izan behar dute”, esan du Laura Gonzalez de Txabarri ELAko nazioarteko arduradunak. "Krisi sakon baten barnean sartuta gaude, krisi ekonomiko, politiko, gizarteko, ingurumenekoa”.
Hegoaldean UGT eta CCOOk martxak egin dituzte. Baionan manifestazio bat izan da, besteak beste CGT sindikatuak deituta, Zorroztasunari aurre egiteko garaia da lelopean.
