Euroguneko eta Europako Batasuneko langabezia tasek ez zuten gorabeherarik izan azaroan, Eurostat estatistika erakundeak jakinarazi duenez. Eurogunean %10,3an segitu zuen eta Europako Batasunean %9,8an.
2010eko azaroko langabezia tasa hiru hamarren baxuagoa zen eurogunean, eta bi hamarren baxuagoa EBn. Azkeneko urtean 723.000 langabe gehiago erregistratu dira Europako Batasunean; horietatik 587.000, eurogunean.
Estatu kideen artean langabezia maila baxuena dutenak Austria (%4), Luxenburgo eta Herbehereak (%4,9) dira. Aldiz, maila altuena dutenak Espainiako Estatua (%22,9), Grezia (%18,8) eta Lituania (%15,3) dira, Eurostaten arabera.
