Datorren urtean amaitzen da berez Greziari hitzartutako laguntza plana. Alabaina,herrialdearen arazoak ez direla ordurako konponduko esan du Jeroen Dijsselbloem Eurotaldeko presidenteak. Hala, 2014tik aurrera ere babes gehiago beharko duela herrialdeak dio. "Ez dut Greziari mailegu berri bat emateari buruz hitz egin, baina badaude arrazoiak pentsatzeko programa amaitzen denean arazoak ez direla konponduta egongo, eta babes gehiago beharko duela".
Dijsselbloemen esanetan, Eurotaldeak konpromisoa hartu zuen herrialdeari babes egokia emateko, laguntza planak irauten zuen bitartean, baita ordutik aurrera ere, "merkatuetarako sarbidea berreskuratu arte, betiere ezarritako baldintzak betetzen baditu". "Eurotaldeak adostu zuen, beharrezkoa izanez gero, neurri gehiago hartzea; besteak beste, Greziari emandako maileguei interesak jaistea edota funts estrukturalak kofinantziatzea".
