EUSKAL DIRUA, IPARRALDERAKO

Diru ofizialen ondoan diru osagarriak egon daitezkeela konbentzituta daude Ambes elkarteko kideak. Eta 2013ko urtarrilaren 1ean euskal dirua jarriko dute martxan Ipar Euskal Herrian, diru «euskalduna, ekologikoa eta solidarioa». Atzo egin zuten aurkezpena, Baionan. Diru hori onartuko duten enpresa, saltzaile eta ekoizle zerrenda bat egingo dute, eta kontsumitzaileek ere elkartean izena eman beharko dute. Saltoki handiek ezingo dute parte hartu.