Iazko maiatzaren 25ean jarri zuten martxan, eta gaur amaitu da prozesuaren lehen fasea, Bilbon egindako kongresuan, Euskal Herriko Eskubide Sozialen Gutuna onartzearekin batera. Orotara hego Euskal Herriko milatik gora herritarrek hartu dute parte prozesuaren lehen zati honetan, eskubideen gaineko ekarpenak eginez.
Orain, bigarren urratsa jarriko dute abian, onartutako hitzarmena lau haizeetara zabaltzekoa, hain zuzen. Ekainaren 14an emango dute lehen urratsa bide horretan, Bilbon egingo den ekitaldi berezian. Bertan izango dira prozesuan parte hartu duten sindikatu eta gizarte eragileetako ordezkariak ere.
