Fagor Etxetresna Elektrikoak joan den urtean 25,7 milioi euroko galerak izan zituen, Mondragon taldeko kooperatibako iturriek Efe berri agentziari esan diotenez. Haren salmentak %8 jaitsi ziren iaz, eta plantillan "doitzeak" egin zituen. 2011n 1.277 milioi euroko fakturazioa izan zuen.
2009an eta 2010ean ere galerak eduki zituen Fagorrek: 19,98 miliokoak 2009an eta 9,87koak duela bi urte.
Aurtengorako salmentetan %4ko igoera aurreikusten du, etxetresna elektrikoen arloak Europan azkeneko hogei urteetako egoerarik zailena bizi duela uste duen arren. Haren arabera, kontsumoaren jaitsieragatik dago egoera hori, batetik, eta kostuak igo egin direlako, bestetik.
Arlo horretan Europako bosgarren ekoizlerik handiena da Fagor.
