Mondragon taldeko Fagor Electrodomesticosek 1.167 milioi euroko fakturazioa izan du 2012an, aurreko urtean baino %9 gutxiago. Salmenten %76 nazioartean egin ditu; Espainiako merkatuan %10,9 gutxiago saldu du. Aurten nazioarteko salmentek %10 igotzea aurreikusi dute. Azken emaitza 89 milioi euroko galera da, «kontsumoaren gainbehera eta nazioartekotzeko inbertsioa dela eta».
Nahiz eta salmentak ia %11 jaitsi Espainiako merkatuan, lerro zuriko gailuetan %0,7 igo dira salmentak; merkatu horren %16,3 dauka Fagorrek. Gainera, eltzeen atalean lider izaten jarraitzen du Arrasateko enpresak; eltzeei dagoionez %3 igo du fakturazioa.
