Salaketa bat jasotzen dugunean beti egiten dugun bezala, gertatutakoa ikertzeko eginbideak hasi ditugu", baieztatu du Bizkaiko fiskaltzak. Ostiralean jakinarazi zuen Kutxabankek 243.600 euroren irregulartasunak topatu zituela, Mikel Cabieces PSE-EEko kideari lotutako abokatu bufete bati egindako ordainketen harira. Eta jakinarazi zuen salaketa jarri zuela fiskaltzan.
Ustezko irregulartasun hori 2012tik dator, Mario Fernandezen agintalditik alegia. Hark, ohar bidez, Kutxabankeko presidente zen garaian "kudeaketa zintzoa" egin zuela nabarmendu du. Adierazi du "sorpresa, sumindura eta babes falta" sentitzen duela, inor ez delako berarekin harremanetan jarri auziaren harira. Eta agindu du "erantzun egokia" izango dutela bere ohorearen aurkako ekintzek.
Kutxabankek dagoeneko berreskuratu du dirua.
