Nicolas Sarkozy Frantziako presidenteak gaur iragarri duenez, Frantziako eta Alemaniak datozen egunetan Europako Batasuneko Itunak aldatzeko proposamen bat aurkeztuko dute elkarrekin. "Egoeraren larritasuna zein den badakigu eta horren pareko erantzuna bilatzen dugu", esan du Sarkozyk.
Angela Merkel Alemaniako kantzillerrak gaineratu du batasuna fiskalaren arloan aurrera egin behar dela, baina euren proposamenak Europako Banku Zentralaren estatutuei ez diela eragingo esan du. "Proposamenak izango dira baina ez dute EBZrekin zerikusirik izango".
Abenduaren 9ko Europako Kontseiluaren bileraren aurretik emango dute ezagutzera proposamena. Ordura arte ez dutela ezer esan azaldu dute, eta Merkelek kazetarien galderak amaitzeko esan du euroa egonkortzea nahi bada politikak koordinatu behar direla.
