ELAk Europa Press berri agentziari jakinarazi dionez, mobilizazio bateratu bat egiteko "aukerak aurrera" doaz. Oraindik mobilizaziorako egutegia zehaztu gabe dute, eta datorren astean edo hurrengoan eman dute horren berri.
ELAko ordezkariak CCOO, UGT, LAB, ESK eta EILASeko kideekin bildu dira. Martxo hasieran mobilizazio "indartsu eta iraunkorren" beharra aldarrikatu zuen ELAk, eta orduan iragarri zuen gainerako sindikatuekin bilduko zela.
Sindikatuaren asmoa mobilizazioak apirilean egitea litzateke, Jaurlaritzaren aurrekontu proiektua osoko bilkuran bozkatu aurretik (maiatzaren 10ean izango da hori). ELAren ustetan, mahai orokorrean murrizketen aurka egingo litzatekeen mobilizazioa "oso indartsua" litzateke.
