Gamesak 52 haize errota jarriko ditu Errumanian

BILBO. Errumaniako Dobrogea eskualdeko hiru parke eolikoetan 52 haize errota jartzeko kontratua irabazi du Gamesak. Aerosorgailu horiek 104 MWeko potentzia izango dute. Beste 69 turbina jartzeko aukera ematen dio kontratuak Gamesari. Euskal enpresa munduko hirugarrena da energia eolikoan, haize erroten %15 bereak baitira. 13.000 MWeko potentzia jarrita du 20 estatutan.