Gamesako kaleratzeak salatu dituzte sindikatuek

Gamesak munduan 1.800 langile (2.600, urte hasieratik) kaleratuko zituela iragarri zuen herenegun; horietatik zuzeneko enpleguak, «Espainian», 480. ELAren ustez, zuzendaritza da «erantzule bakarra». Haren irudiko, kaleratzerik gabe kostuak eta eraginkortasun gabeziak ken daitezke. CCOOk langileen iritzia kontuan hartzearen alde egin du: «Espediente hori ezartzen bada, Gamesa ez da bideragarria, gure ustez». CCOOren arabera, balio eta eskubide berak dituzte Nafarroako zein Espainiako langile guztiek. UGTk, berriz, uste du kaleratze gehien «Zamudion, Nafarroan eta Madrilen» izango direla. Yolanda Barcinak espero du Nafarroan eragina «ahalik eta txikiena» izatea.