Gamesaren irabaziak %75 jaitsi dira urte hasieran

ZAMUDIO. Gamesak zortzi milioi euro irabazi ditu urteko lehen hiru hilabeteetan, iaz epe berean baino %75 gutxiago. Aerosorgailuen salmenta %43 murriztu izanari egotzi dio datua enpresak. Espainian energia eolikoari buruzko araudia aldatzeak ere kalte egin diola aitortu du konpainiak. Bost aerosorgailutik lau esportatzen ditu Gamesak.