Gastatzeko ahalmena eta hazkundea lotzeko lege berria

Aurrekontuen Egonkortasunerako Legea eraldatuko duela iragarri du Jose Luis Rodriguez Zapatero Espainiako gobernuburuak. Gastu publikoaren bilakaera barne produktu gordin nominalarekin, alegia, ekonomiaren hazkundearekin lotzea nahi du. Hala, hazkunde aurreikuspenak betetzen dituen heinean, diru gehiago edo gutxiago gastatu ahal izango du Administrazioak. Estatuei eta udalei eragingo lieke aldaketak; ez, ordea, autonomia erkidegoei, legeak haien finantza askatasuna babesten duelako. Hala ere, autonomia erkidegoekin akordio politiko zabal bat lortzen saiatuko dela aurreratu du, haiek ere araudi berriak jarriko dituen baldintzak bete ditzaten.