Araba, Bizkai eta Gipuzkoako ekonomiaren bilakaera aztertu du Gatzagaetxebarriak Bilbon, Elkargiren Finantzen Foroan. Gogoratu duenez, iazko lehen hiruhilekoan geldialdia egon zen, baina horren ondotik ekonomia hazten joan da. Jaurlaritzak aurreikusi duenez, aurten %1 haziko da, eta %1,7 2015ean.
Enpleguari dagokionez, 2013. urtea "oso txarra" izan zela berretsi du; hala ere, joera hori "gutxitzen" joan dela azaldu du. Azken datuek diotenez, ez da enplegurik suntsitu, eta urtea bukatzerako ere ez du espero "ez hazkunderik, ezta enplegua suntsitzerik ere".
2009ko egoera ekonomikora iristeko "denbora dezente" beharko da, haren iritziz; "motela" izango da suspertzea.
