Munduan eragin handia duten gai ugari egongo dira jokoan datozen lau egunetan. Adituek azpimarratu dutenez nekazaritzak izango du akordioaren giltza, negoziatzaile guztien lehentasuna baita. 2001eko azaroan Dohanen abiatutako prozesuak bide erdia egin duenean, MME bidegurutzera heldu da. Hori dela eta, MMEk Cancunen batera edo bestera norabide bat hartu beharko du. Nekazaritzaz gain, zerbitzuak eta mugasariak eztabaida ugari piztuko dituzte Cancunen bildutako estatu kideen artean.
Goi bileraren aurka elkarretaratzeak Euskal Herrian
Euskal Herrian ere MMEren aurkako mobilizazioetara deitu dute dozenako eragilek. Hala, bihar elkarretaratzeak burutuko dira Euskal Herriko hiriburuetan Mundua ez dago salgai, ez gara salgaiak lelopean. Bilbon eta Iruñean hitzaldiak emango dituzte arratsaldeko seietan, eta manifestazioak egingo zortziretan. Baionan, Gasteizen eta Donostian, berriz, elkarretaratzeak antolatu dituzte zazpiretan. Antolatzaileek adierazi dutenez, protesten helburua "globalizazio eredu basatia" gaitzestea izango da.
Informazio gehiago honako loturetan:
MMEren Mexikoko adarraren orria
Hedabide independenteen gunea
Ekitaldi alternatiboak
Informazio alternatiboa
MME-REN CANCUNGO GOI BILERA
Gaur hasi eta igandera bitartean Munduko Merkataritza Erakundeak Goi bilera egingo du Cancunen
Gaur hasi eta igandera bitartean, Munduko Merkataritza Erakundeko 146 estatu kideek Cancunen —Mexiko— dute geltokia. Bildutako ordezkariek merkatuak zabaltzeko ahalegina egingo dute, "pobrezia arintzeko". MME-ren asmoak salatu eta globalizazioak eragiten dituen ondorio lazgarrien aurka protesta egiteko mundu osotik etorritako milaka lagun bildu dira Cancunen.
Iruzkinak
Ez dago iruzkinik
Ordenatu
