Gipuzkoako ostalarientzat uda kaskarra izan da

DONOSTIA. Uztaila, abuztua eta iraila hilabete txarrak izan dira Gipuzkoako ostalarientzat. Turistak, etorri, etorri direla diote, iaz baino gehiago, gainera. Baina espero baino diru gutxiago gastatu dute. Gipuzkoarrek eurek ere ez ei dute lehen adina gastatzen. Jarduera %7,5 murriztu zaie iaztik. Taberna eta pubetan, %7,05 jaitsi da jarduera; jatetxeetan, berriz, gehiago, %7,87, hain zuzen.