Gizon bat hil da Aldaban, traktorea iraulita

IRUÑEA. Traktorearekin lanean ari zela istripua izan, eta gizon bat hil zen atzo Aldaba herrian (Nafarroa). 56 urte zituen J.S.M.-k, eta, Nafarroako Gobernuak jakinarazi duenez, 17:45 inguruan gertatu zen ezbeharra. Irauli egin zen ibilgailua. Larrialdiko zerbitzuak eta foruzainak joan ziren istripua gertatu zen tokira, baina ezin izan zuten ezer egin.