12.500 milioi dolar (8.724 milioi euro) ordaindu ditu Googlek Motorola Mobility telefono mugikorren fabrikatzailea erosteko. Bi konpainietako zuzendaritzen erabateko adostasuna izan du salmentak, enpresa biek plazaratutako oharrean agertu dutenez.
Erosketa horren bidez telefono mugikorrentzako Android sistema eragilea indartu nahi du Googlek, bere gailu propioak sortzeko aukera izango baitu, eta Motorolaren milaka patenteez jabetuko baita. Horrekin batera, komunikazioaren merkatuan bere burua sendotu nahi du Googlek, bere gailuak egiteko gaitasuna izanik Applerekin eta Microsoftekin buruz buru lehiatzeko aukera zabalduta.
