Ekonomiaren aurreikuspena hobetzea erabaki du Eusko Jaurlaritzak. Bi hamarren gehiago hobetu du berriz ere. Hain zuzen ere, EAEko barne produktu gordinaren hazkundea %2,7 izango dela espero du Ogasun eta Finantza Sailak, joan den ekainean egindako kalkuluan baino bi hamarren gehiago. Inguru ekonomikoaren hobekuntzak bultzatu du Jaurlaritza aurreikuspena hobetzera, "bereziki, Espainiako ekonomiak erakutsitako dinamismoak".
2016. urterako, berriz, hazkunde apalagoa aurreikusi du: %2,5.
