Langabeziak gora egin du berriro Hego Euskal Herrian, urteko bigarren hiruhilekoko datuen aldean hirugarrengoan 3.200 lagun gehiago daudelako lanik gabe, gaur Espainiako Estatistika Institutuak jakinarazi duenez.
Araban, Bizkaian eta Gipuzkoan igo egin zen langabezia, Nafarroan jaitsi.
- Araba. 2.200 langabe gehiago 2011ko hirugarren hiruhilekokoan (denera 16.000), %10eko langabezia.
- Bizkaia. 800 langabe gehiago (denera 76.000), %13,4ko langabezia.
- Gipuzkoa. 4.000 langabe gehiago (denera 37.000), %9,6ko langabezia.
- Nafarroa. 3.600 langabe gutxiago (denera 36.000), %11,6ko langabezia.
- Hego Euskal Herria. 3.200 langabe gehiago (denera 165.000).
ELAren salaketa
ELAk esan du azken urteotako gastu publikoa murrizteko politika gizartearentzat eta ekonomiarentzat oso kaltegarria izan dela. "Ez dauka inongo zentzurik jarduera politikoa geldiarazten duten politikak areagotzeak, langabezia ere areagotu egiten baitute".
