Hegoaldean 1.200 lagun gutxiago ari dira lan bila

Bizkaian soilik egin du behera langabeziak. 8.800 lagun gutxiago ari ziren lan bila Bizkaian urteko hirugarren hiruhilekoan, baina Araban, Gipuzkoan eta Nafarroan gora egin zuen kopuruak. Araban gehienbat, 4.000 langabe gehiago zenbatu baititu INEk.

Hego Euskal Herrian 1.200 langabe gutxiago daude(-%1,29), eta langabezia tasa %6,96raino jaitsi da. Datuok, baina, ez dituzte sindikatuak erabat poztu.Sortzen ari den enpleguak oinarria «baldintza prekarioetan» duela salatu zuen LABek. Berretsi zuten emakumeek eta gazteek pairatzen dutela egoera eskasena, eta urte hasieratik izenpetu diren hamar kontratutik bederatzi baino gehiago aldi baterakoak direla salatu zuten (%92,4 zehazki).Datuak «baikortasunez» irakurri daitezkeela ukatu zuen CCOOk. Aldi baterako kontratuak finkoak baino lau aldiz gehiago hazten ari direla ohartarazi zuen. «Etorkizunik gabeko enplegua sortzen ari dira».