HIRU GURPILEKO IBILGAILU ELEKTRIKOA

Hiru gurpil ditu, e-worker izena du eta elektrikoa da. Zertarako balio duen? Ibiltzeko zailtasunak dituzten pertsonak garraiatzeko, hirian gatza zabaltzeko edo golf zelaietan ibiltzeko. 140 kilo garraia ditzake Nafarroako LGM enpresak diseinatutako ibilgailu horrek, eta enpresako ordezkariek adierazi dutenez, «jostun» lanak egin ditzakete, funtzio ezberdinetarako egokitzeko. Lehen eskaera Lacturalek egin du, txekor jaioberriak enpresan zehar garraiatu ahal izateko.