Hiru hilabetean, 368 milioi galdu ditu Air Francek

PARIS. Zenbaki gorriak errepikatu ditu Air France-KLMk. 368 milioi euro galdu ditu aurtengo lehen hiruhilekoan. Iaz, epe berean, 367 milioi galdu zituen. Lan kostuak murrizteko erabakian ez duela atzera egingo adierazi die sindikatuei, «kostu baxuko konpainiei eta erregaien prezio altuari aurre egin behar diegulako». Gobernu berriak ere premia hori ulertuko duela gaineratu du konpainiak.