Hileko egun guztien batez bestekoa eginda kalkulatzen da indizea, eta ohikoena urtean behin berritzea izaten da. Atzo arteko batez bestekoa kontuan hartuta (%4,371), 20 urteko epean 160.000 euroko hipoteka dutenek 21 euro gutxiago ordaindu beharko dituzte aurrerantzean; 30 urtean ordaintzekoa dutenek, 23 gutxiago; 40 urteko epean dutenek, 25 euro gutxiago; eta 50 urtekoa dutenek, 27 gutxiago. Gaurko datua hartu beharko da kontuan azaroko behin betiko batez bestekoa ateratzeko, baina diferentzia euro bat baino txikiagokoa izango da ia seguru.
Itxura guztien arabera, gainera, beherantz jarraituko du hipoteka gehienak kalkulatzeko erreferentziatzat erabiltzen den indizeak. Azaroan, esaterako, egunero-egunero jaitsi da. Eta atzo, 2006ko abendutik estreinakoz %4tik behera amaitu zuen eguna, %3,978an hain zuzen.
Europako Banku Zentralak datorren osteguneko bileran erabakitzen duenak ere izango du eraginikEuriborraren bilakaeran. Interes tasak mantendu edo jaitsi adostu beharko dute egun horretan. Jean Claude Trichet presidenteak baieztatu ez baina ia seguru laga du diruaren prezioa merkatu egingo dutela. Hala gertatuz gero, oso litekeena da Euriborra eregehiago merkatzea eta hurrengo hilean ere kuotek behera egitea.
