«Konstituzioa erreformatzeko prozedura erabat lotsagarria da»
Uxue Barkos
Nafarroa Baiko diputatua
Asteartean erreformaren mamia kritikatu ondoren, Konstituzioa moldatzeko prozedura «erabat lotsagarria» dela salatu zuen atzo Uxue Barkosek. Diputatua kexu zen PSOEk eta PPk ez dutela eztabaidatu nahi izan herri galdeketa egiteko proposamena, eta zerga autonomiari buruzko debatitzeari buruz nahasmena eragin dutela.
«NaBaik ezin zuen argiago adierazi foru erregimenari dion mespretxua»
Carlos Salvador
UPNko diputatua
«Egoeraren larritasunak» erreforma onartzera eraman zuen UPN, baina espero du lege organikoak ez duela Nafarroaren zerga autonomia urratuko. NaBairen zuzenketa salatu zuen, Nafarroa beste hiru diputazioekin —«tokiko erakundeekin— parekatzeagatik. «Ezin zuen argiago adierazi gure foru erregimenari dion mespretxua».
