HOBETUZ, GARAI BERRIETARA EGOKITUZ

Hobetuz Langileen Prestakuntzarako Euskal Erakundeak 15 urte bete berri ditu, eta, etorkizunera begira, ezinbestekotzat jo du «lan merkatuarekin bat datorren kalitatezko prestakuntza» lortzea. Atzo arratsaldean Bilbon egin zuen agerraldia Hobetuz erakundeak, EHUko paraninfoan. 1996. urtean sortu zen, eta, geroztik, 1,2 milioi langileri eskaini die prestakuntza, 11.500 plan finantzatu ditu eta, guztira, 323 milioi euroren diru laguntzak eman ditu.