Suitzako fiskalak abiatu ditu HSBC bankua ikertzeko ekinbideak. Lehenik eta behin, haren Genevako bulegoa miatu du gaur goizean. Prentsa ohar baten bidez iragarri du diru zuriketa egin ote duen ikertzeko prozedura penalari hasiera eman diola. Ikerketek, printzipioz, Suitzako bankuari eragiten diote soilik.
Fiskalaren oharraren arabera, azken egunotan argitaratu diren informazioak hartu ditu oinarri. 2006tik 2007ra arteko informazioak dira Herve Falciani langile ohiak HSBCko Private Banketik ebatsitako dokumentuak; epe horietan, bankuak loturak izan zituen hainbat negozio ilunekin. ICIJ Nazioarteko Ikerketa Kazetaritzaren Kontsortzioaren arabera, munduko legez kanpoko negozio ugariren dirua zuritzeko operazioak egin ditu ustez bankuak.
HSBCk zerga iruzurra egiten lagundu zien bezeroen artean badira euskal herritarrak ere. Zenbait berri iturriren arabera, 150 lagun dira. Oraingoz, bakarraren izena eman da argitara: Jose Maria Etxebarria Artetxe.
