Aurreko erregulazioa bertan behera utzi arren, zuzendaritzak ez zuen langileak kaleratzeko asmoetan atzera egin, "fabrika ez delako bideragarria". Sindikatuaren arabera, enpresak igorritako prentsa oharrean azaldu zitzaien espediente berri bat aurkezteko arrazoi objektiboak bere horretan jarraitzen zutela. "Zergatik kendu dute orduan aurkeztutako erregulazioa? Gauza batzuek ez dute azalpen askorik behar", esan du sindikatuak.
ELAk dio multinazionalak langileak "banatzeko eta itxaropenak zapuzteko saiakera asko" egin arren, langileek "borrokan tinko" jarraitzen dutela, euren etorkizunaren eta eskubideen alde. Horregatik, greba mugagabean jarraitzen dute; "gatazka konpondu arte", mobilizazio eta ekintza gehiago egingo dituzte.
