Iaz adina irabazi du Ipar Kutxak: 2,8 milioi euro

BILBO. Urtarriletik martxora bitartean 2,8 milioi euro irabazi ditu Ipar Kutxak, iaz epe berean adina. Finantza erakundeak jakinarazi duenez, ordea, joan den urtean baino %8,2 mailegu gehiago eman dituzte, eta bankuaren negozioa %5,95 handitu da. Halere, datozen hilabeteetarako motelaldi bat espero dutela adierazi dute Ipar Kutxako iturriek.