Etxebizitzaren alokairua, ospitaleetako zerbitzuak eta sendagaiak, argindarra eta gasa, ibilgailuei lotutako produktuak... INEk jakinarazi duenez, horiek guztiak iaz baino merkeago daude Hego Euskal Herrian. Batez beste %0,1 jaitsi dira salneurriak azaroan. Aurten, lau hilabetean izan da negatiboa inflazioa, eta positiboa izan denean ere %0,4 izan da tasarik handiena.
Urritik azarora bitartean, oro har mantendu egin dira salneurriak. Aldaketarik ez da izan Araban; %0,1 garestitu dira Bizkaian; %0,3 Gipuzkoan; eta %0,3 merkatu dira Nafarroan.
Espainiako datuak ere eman ditu INEk. Han bosgarren hilabetez jarraian izan da negatiboa inflazioa. Hala ere, Espainiako Gobernuak dio ekonomia ez dagoela deflazioan.
