Iberdrolak 1.506 milioi euro irabazi ditu urte honetan

Iberdrola euskal enpresa elektrikoak ere diru irabaziak izan ditu urte honetako lehen sei hilabeteetan, gaur berak emandako datuen arabera: 1.506,4 milioi euroko irabaziak. Iberdrolak azpimarratu du, hala ere, iaz garai batean %23 gehiago irabazi zuela. "Aurten, izan ere, eskaera jaitsi egin da eta prezio energetikoek behera egin dute", dio oharrean.

13.109 milioi euroko salmentak izan ditu urtearen lehen erdian; iaz baino %9 gehiago. Munduan negozioa zabaltzen jardun du, eta horrek emaitza onak eman dizkiola jakinarazi du. Urtearen bigarren erdian Erresuma Batuan eta Ameriketako Estatu Batuetan egonkortu egin nahi du.

Iberdrolak liberalizazio handiagoa eskatu du, "inbertsioak egiteko inguruabar egonkorragoa izateko eta osatze ekonomikoan arlo elektrikoa motor garrantzitsua izateko".