Enpresaren emaitza gordina 7.306 milioi euro izan zen; 2014an baino %4,9 gehiago. Diru sarrerek, berriz, %4,6 egin zuten gora, 31.418 milioiraino. Hala jakinarazi dio Balioen Merkatuko Espainiako batzordeari.
Iberdrolaren esanetan, berriztagarrien negozioak duen pisu gero eta handiagoak eragin du emaitzan; dolarrak eta liberak izandako eboluzioa ere aipatu du arrazoien artean.
Besteak beste, bezeroen negozioa %1,2 hazi zen iaz, 2.320 milioiraino; berriztagarrienak, berriz, %18,6 egin zuen gora, 1.572 milioira heltzeraino. 2015 amaieran, 46.471 megawatt zeuzkan instalatuta mundu osoan.
