Iberdrola euskal enpresak joan den urtean 2.805 milioi euroko irabaziak izan zituen, CNMV Balore Merkatuaren Espainiako Batzordeari jakinarazi dionez. 2010etik konpainia elektrikoaren etekina %2,3 jaitsi zen.
Esplotazio emaitza gordina 7.650,5 milioikoa izan zuen, bere inoizko handiena eta 2010ean baino %1,6 handiagoa. Enpresak 8.190 milioi euroko inbertsioak egin zituen, eta 31.648 milioiko diru sarrerak eduki zituen, lehen baino %4 gehiago.
Iberdrolak asteartean eraikin berria zabaldu zuen Bilbon, 165 metroko garaierakoa.
Gamesa euskal enpresak ere irabaziak izan zituen iaz: 51 milioi eurokoak, 2010ean baino %2 handiagoak. Energia eolikoa ekoizteko errotak fabrikatzen dituen enpresaren salmentak %10 hazi ziren 2011n.
