IBILGAILU GEHIAGO. Frantziarrak nagusi mugaren bi aldeetan

Euskal Herri osoan autogile frantziarrak dira arrakastatsuenak. Ipar zein Hego Euskal Herrian Renault da salmentetan lehena, alde nabarmenaz gainera. Renaultekoa da, noski, autorik salduena: Megane izan zen erosiena 2003an eta bide beretik doa aurten ere. Europako Batasun osoan da liderra: saldutako auto guztietatik, %4,2 Renault Megane izan ziren 2003an. Haren atzetik beste bi auto frantziar daude bost salduenen zerrendan: Peugeot 206 bigarrenean, eta Renault Clio laugarrenean. Nagusitasun hori are handiagoa da Frantzian: iaz gehien saldutako lehen zortzi autoak frantziarrak ziren; Espainian, lehen hamarren artean sei.