Ikerketan inbertitzeko eskatu du Tecnaliak

DONOSTIA. Tecnaliak 116 milioi euro fakturatu zituen iaz, 2010ean baino zazpi gutxiago. Hala ere, emaitzekin pozik azaldu ziren taldeko arduradunak, atzo Donostian egindako agerraldian. Urtero fakturazioa %10 hazteko helburu «handizalea» jarri dutela adierazi zuten, eta ikerketan eta garapenean inbertitzeko eskatu zien erakunde publikoei, «murrizketekin bakarrik ezin delako krisia gainditu».