Iñaki Goenaga da ENBAko lehendakari berria

TOLOSA. Hamahiru urtez karguan izan ondoren, Mikel Arteagak Iñaki Goenagaren esku utzi zuen atzo Gipuzkoako ENBAko lehendakaritza. Goenagak 45 urte ditu, eta esne behiak ditu Urnietako Oiamar baserrian. Tolosan egindako ENBAren batzordean, Arteagak baserritarren sindikatuko beste kideen esker ona jaso zuen. Lehendakaritza utzi izanagatik, ENBAko buruzagitzan jarraituko du.